မကြာခဏမေးလေ့ရှိသောမေးခွန်းများ
အသက်အာမခံထားရှိခြင်းသည် မည်သည့်အကျိုးကျေးဇူးများရရှိသနည်း။
အသက်အာမခံထားရှိခြင်းသည် အာမခံထားရှိသူအတွက်ဖြစ်စေ၊ မိသားစုအတွက်ဖြစ်စေ အာမခံထားသူမမျှော်မှန်းနိုင်သော အသက် ဘေးအန္တရာယ်နှင့် ကြုံတွေ့သောအခါတွင် အာမခံထားသူနှင့် သူ၏မိသားစုအတွက် ငွေကြေးကာကွယ်မှု ရရှိနိုင်ပါသည်။
ပရီမီယံကြေးကိုမည်သည့်နည်းလမ်းဖြင့်ပေးဆောင်လို့ရသနည်း။
KBZ bank, CB Bank, UAB Bank, Global Treasure Bank, MCB Bank, OK$, Wave Money, Collector Collection Service, Capital Taiyo Life ရုံးခွဲများမှတဆင့် ပရီမီယံကြေးကိုပေးဆောင်လို့ရနိုင်ပါသည်။
နှစ်စေ့ နှင့် အမ်းငွေ ပရီမီယံကြေးပြန်ထုတ်လျှင် အချိန်မည်မျှစောင့်ရမည်နည်း။
ရုံးဖွင့်ရက် အလုပ်လုပ်ရက်(၁၀) ရက်စောင့် ရပါမည်။
နှစ်တိုငွေပင်ငွေရင်းအသက်အာမခံ ပေါ်လစီတည်မြဲရန် အချိန်မည်မျှလိုအပ်သနည်း။
ပေါ်လစီတည်မြဲရန် အချိန် (၁) နှစ်လိုအပ်ပါသည်။
နှစ်မစေ့ပဲငွေပြန်ထုတ်လျှင် ငွေပမာဏမည်မျှရမည်နည်း။
နှစ်မစေ့ပဲငွေပြန်ထုတ်လျှင် အမ်းငွေရသင့်တန်ဖိုးနှုန်းထားပါဇယားအတိုင်း ရရှိနိုင်ပါသည်။
နှစ်တိုငွေပင်ငွေရင်း အသက်အာမခံ
နှစ်တိုငွေပင်ငွေရင်းအာမခံတွင် မည်သည့်အကျိုးခံစားခွင့်ရရှိသနည်း။
(၁) နှစ်စေ့အကျိုးခံစားခွင့်
(၂) သေဆုံးမှုအကျိုးခံစားခွင့်
(၃) ထာဝစဉ်လုံးဝမသန်စွမ်း အကျိုုးခံစားခွင့် တို့ဖြစ်ပါသည်။
နှစ်တိုငွေပင်ငွေရင်း အသက်အာမခံ၏ ပရီမီယံနှုန်းအား မည်သို့တွက်ချက်သနည်း။
အာမခံထားသူ၏အသက်အရွယ်နှင့် အာမခံသက်တမ်းပေါ်မူတည်၍ ကျသင့်ပရီမီယံနှုန်းကို တွက်ချက်ပေးပါသည်။
ပရီမီယံကြေးပေးသွင်းရန် ရက်မည်မျှနောက်ကျခွင့်ရှိသနည်း။
၁လတစ်ကြိမ်ပေးသွင်းသည့်ပေါ်လစီများအတွက်ပရီမီယံပေးသွင်းရန် (၁၅) ရက်နောက်ကျခွင့်ရှိပါသည်။ (၁)နှစ်တစ်ကြိမ်၊ (၆)လတစ်ကြိမ်၊(၃)လတစ်ကြိမ်ပေးသွင်းသည့်ပေါ်လစီများအတွက် ရက်(၃၀) နောက်ကျခွင့်ရှိပါသည်။
အာမခံစထားပြီး ဘယ်နှစ်ကြိမ်ပေးသွင်းပြီး ငွေပြန်ထုတ်လို့ရသနည်း။
အနည်းဆုံး (၁၂) ကြိမ် ငွေသွင်းပြီးမှသာလျှင် ငွေပြန်ထုတ်လို့ရပါမည်။
စုပေါင်းအသက်အာမခံ
စုပေါင်းအသက်အာမခံတွင် လူဦးရေကန့်သတ်ချက်ရှိပါသလား။
စုပေါင်းအသက်အာမခံတွင် အနည်းဆုံး (၅)ဦးရှိမှသာ လက်ခံပါမည်။
စုပေါင်းအသက်အာမခံတွင်ပရီမီယံကိုအကြိမ်အရေမည်သို့ပေးသွင်းရမည်နည်း။
ကျသင့်ပရီမီယံကို တစ်ကြိမ်တည်းတစ်လုံးတည်းပေးသွင်းရပါမည်။
စုပေါင်းအသက်အာမခံတွင် အလုပ်သမားသည်လုပ်ငန်းမှထွက်သွားလျှင် အကျိုးခံစားခွင့်ရှိပါသလား။
အကျိုးခံစားခွင့်မရှိပါ။
ကျန်းမာရေးအာမခံ
ကျန်းမာရေးအာမခံတွင် မည်သည့် အကျိုးခံစားခွင့်များရရှိသနည်း။
ကျန်းမာရေးအာမခံဝယ်ယူပြီးနောက်ရရှိသည့်အကျိုးခံစားခွင့်များမှာ ရောဂါကြောင့်ဆေးရုံတက်ခြင်း၊ မတော်တဆမှုကြောင့် ဆေးရုံတက်ခြင်း၊ ခွဲစိတ်ကုသမှုခံယူခြင်း၊ ကိုယ်ဝန်ပျက်ကျခြင်း၊ ဆေးရုံ/ဆေးခန်းပြသခြင်းနှင့် သေဆုံးခြင်းတို့အတွက် အကျိုးခံစားခွင့်များကို ပါဝင်ပါသည်။
အာမခံထားသူအနေဖြင့် ဆေးရုံတက်ရောက်ကုသမှုခံယူရပါက အကျိုးခံစားခွင့်မည်သို့တောင်းခံရမည်နည်း။
ဆေးရုံတက်ရောက်မှုခံယူနေစဉ် ကြိုတင်အကြောင်းကြားရမည်ဖြစ်ပြီး ဆေးရုံဆင်းသည့်နေ့မှစ၍ အလုပ်လုပ်ရက် (၁၀) ရက်အတွင်း ဆေးကုသမှုမှတ်တမ်းနှင့်တကွ အကျိုးခံစားခွင့်တောင်းခံရမည်။
ပြင်းထန်သောရောဂါကုသမှု အာမခံ
ပြင်းထန်သောရောဂါကုသမှုအာမခံသည်မည်သည့်အာမခံအမျိုးအစားဖြစ်သနည်း။
ပြင်းထန်သောရောဂါကုသမှုအာမခံဆိုသည်မှာ အသက်အန္တရာယ်နှင့် နီးစပ်သည့် ပြင်းထန်သောရောဂါကုသမှုနှင့်စပ်လျဉ်း၍ ဆေးရုံတက်ကုသခြင်း၊ ခွဲစိတ်ကုသခြင်းနှင့် သေဆုံးခြင်းများအတွက် အတိုင်းအတာတစ်ခုအထိ ငွေကြေးအထောက်အပံ့ပေးသော အာမခံအမျိုးအစားဖြစ်ပါသည်။
ပြင်းထန်သောရောဂါကုသမှုအာမခံတွင် ပရီမီယံကြေးအား မည်သို့ပေးသွင်းရမည်နည်း။
ပရီမီယံကြေးအား Individual customer များမှာ (၆)လတစ်ကြိမ်၊ (၁)နှစ်တစ်ကြိမ် ပေးသွင်းရမည်ဖြစ်ပြီး၊ Group Customer များမှာ လစဉ်ပေး၊ (၃)လတစ်ကြိမ်၊ (၆)လတစ်ကြိမ်၊(၁)နှစ်တစ်ကြိမ် ဟူ၍ပေးသွင်းနိုင်ပါသည်။
ကိုယ်အင်္ဂါထိခိုက်မှုအာမခံ
ကိုယ်အင်္ဂါထိခိုက်မှုအာမခံသည် ရောဂါကြောင့် သေဆုံးခြင်း၊ မစွမ်းမသန်ဖြစ်ခြင်းကြောင့်အကျုံးဝင်ပါသလား။
အကျုံးမဝင်ပါ။
ကိုယ်အင်္ဂါထိခိုက်မှုအာမခံထားသူသည် မတော်တဆထိခိုက်ဒဏ်ရာရရှိလျှင် အကျိုးခံစားခွင့်မည်သို့ရရှိမည်နည်း။
ဆရာဝန်၏ ထောက်ခံချက်ပေါ်မူတည်၍သော်၎င်း ၊ သတ်မှတ်ထားသောလျော်ကြေးနှုန်းထားများအတိုင်း သော်၎င်း ရပိုင်ခွင့်ရှိပါသည်။
ကိုယ်အင်္ဂါထိခိုက်မှု အာမခံထားသူသည် မတော်တဆထိခိုက်သေဆုံးပါက အကျိုးခံစားခွင့်မည်သို့ရရှိမည်နည်း။
မတော်တဆထိခိုက်မှုကြောင့်သေဆုံးပါက အာမခံထားငွေအား အကျိုုးခံစားခွင့်လွှဲပြောင်းသူကိုတစ်ကြိမ်တည်းထုတ်ပေးပါမည်။
ခရီးသွားအာမခံ
ခရီးသွားအာမခံတွင် ထိခိုက်မှုဖြစ်ပွားပါကမည်သို့ အကြောင်းကြားရမည်နည်း။
ခရီးသွားအာမခံတွင် ထိခိုက်မှုဖြစ်ပွားပါက ဖြစ်ပွားသည့်နေ့မှစ၍ (၇) ရက်အတွင်း ဆက်သွယ်ရမည့်တယ်လီဖုန်းသို့ အကြောင်းကြားရန် လိုအပ်ပါသည်။
ခရီးသွားအာမခံကိုမည်သည့်နည်းလမ်းနှင့်ဝယ်ယူရမည်နည်း။
ခရီးသွားအာမခံတွင်မိုင်(၁၀၀)အောက်ခရီးသွားအာမခံနှင့် အထူးခရီးသွားအာမခံ ခရီးစဉ်များကို သက်ဆိုင်ရာယာဉ်လိုင်းများမှလည်းကောင်း၊ ပြည်တွင်း၊ ပြည်ပခရီးစဉ်များကို ရုံးချုပ်တွင်လည်းကောင်းဝယ်ယူနိုင်ပါသည်။
ခရီးသွားအာမခံတွင် သေဆုံးမှု (သို့) ဒဏ်ရာရမှု ဖြစ်လျှင်လျော်ကြေးကို မည်သို့တောင်းခံရမည်နည်း။
ခရီးသွားအာမခံတွင်သေဆုံးမှုအတွက် လျော်ကြေးကိုဖြစ်ပွားသည့်နေ့မှစ၍ (၁)နှစ်အတွင်း၊ ဒဏ်ရာရမှုအတွက် (၂)နှစ်အတွင်း တောင်းခံရန်လိုအပ်ပါမည်။
Capital Taiyo Life Insurance သို့
အာမခံနှင့်ပတ်သတ်၍ သိရှိလိုသည်များကို
(+959) 964433627, 952392699သို့ဆက်သွယ်မေးမြန်းနိုင်ပါသည်။