Generic selectors
Exact matches only
Search in title
Search in content

နှစ်တို ငွေပင်ငွေရင်း အသက်အာမခံ

နှစ်တို ငွေပင်ငွေရင်း အသက်အာမခံ

နှစ်တိုငွေပင်ငွေရင်းအသက်အာမခံဆိုသည်မှာ အာမခံထားရှိသူ အတွက်ဖြစ်စေ၊ သူ၏မိသားစုအတွက်ဖြစ်စေ၊ ငွေစုဆောင်းပေးပြီး ပေးသွင်းထားသည့် ပရီမီယံပမာဏထက် ပိုမိုသောအာမခံအကျိုးခံစားခွင့်ငွေ ရရှိနိုင်မည့်အပြင် မမျှော်မှန်းနိုင်သော အသက်အန္တရာယ်၊ထာ၀စဥ်မသန်စွမ်းခြင်းနှင့် ကြုံတွေ့သောအခါတွင်လည်း ငွေကြေးအကာအကွယ်ပေးသော အာမခံအမျိုးအစား ဖြစ်ပါသည်။

ရည်ရွယ်ချက်

  • မျှော်လင့်မထားသောဖြစ်ရပ်များကြုံတွေ့ပါက ငွေကြေးအထောက်အပံ့ရစေရန်။
  • ကာလတစ်ခုကုန်ဆုံးချိန်တွင် မျှော်မှန်းထားသည့် ငွေပမာဏစုဆောင်းမိစေရန်။

နှစ်တိုငွေပင်ငွေရင်းအသက်အာမခံထားခြင်းဖြင့်ရရှိမည့်အကျိုးကျေးဇူးများ

  • ချွေတာစုဆောင်းသည့် အလေ့အထကောင်းရစေခြင်း။
  • မမျှော်လင့်သောဖြစ်ရပ်ဆိုးများနှင့်ကြုံခဲ့သော် မိသားစုအတွက်ငွေကြေးအထောက်အပံ့ ရစေခြင်း။
  • ပေးသွင်းရသည့်ပရီမီယံပမာဏထက် ပိုမိုသောအာမခံအကျိုးခံစားခွင့်ငွေ ရနိုင်ခြင်း။
  • ၀င်ငွေခွန်သက်သာခြင်း။
  • အာမခံနှစ်စေ့‌​ကြေးပေါ်တွင် အခွန်ကင်းလွတ်ပိုင်ခွင့်ရှိခြင်း။
  • အာမခံမှရရှိသည့် အကျိုးခံစားခွင့်ကို မည်သည့်အ‌ကြွေးရှင်မှ ၀ရမ်းမကပ်နိုင်ခြင်း။
အာမခံထားသူ၏အသက်ကန့်သတ်ချက်အသက်(၁၀)နှစ်မှ (၆၀)နှစ်အတွင်းရှိရပါမည်။
အာမခံထားသူသည် အသက်(၁၀)နှစ်မှ (၁၈)နှစ်အတွင်းရှိသူဖြစ်လျှင် မိဘ/အုပ်ထိန်းသူ၏ ခွင့်ပြုချက်စာဖြင့် အသက်အာမခံထားရှိနိုင်ပါသည်။
အာမခံသက်တမ်းအာမခံသက်တမ်းကို ၅နှစ် (သို့မဟုတ်) ၇နှစ် (သို့မဟုတ်) ၁၀နှစ် ထားနိုင်ပါသည်။
အာမခံထားနိုင်သည့်ငွေပမာဏအနည်းဆုံး ကျပ် (၁၀)သိန်းမှ အများဆုံး ကျပ်သိန်း(၅၀၀)ထိ အာမခံထားနိုင်ပါသည်။
ပရီမီယံနှုန်းအာမခံထားသူအသက်၊အာမခံသက်တမ်းနှင့်ထားငွေတို့အပေါ်မူတည်၍တွက်ချက်ပါသည်။
ပရီမီယံပေးသွင်းခြင်းပရီမီယံကို ၁လတစ်ကြိမ်၊ ၃လတစ်ကြိမ်၊ ၆လတစ်ကြိမ်၊ ၁၂လတစ်ကြိမ် အရစ်ကျ ပေးသွင်းနိုင်သည်။
အကျိုးခံစားခွင့်လွှဲပြောင်းခြင်းနှစ်တိုငွေပင်ငွေရင်းအသက်အာမခံထားသူတစ်ဦးအနေဖြင့် အာမခံအကျိုးခံစားခွင့်အား မည်သူ့ကိုမဆို တစ်ဦးတည်းဖြစ်စေ (သို့) တစ်ဦးထက်ပို၍ဖြစ်စေ ကြိုက်နှစ်သက်ရာ ရာခိုင်နှုန်းအချိုးအစားအလိုက် လွှဲပြောင်းပေးနိုင်ပါသည်။

နှစ်တိုငွေပင်ငွေရင်းအသက်အာမခံ ပေါ်လစီအကျိုးခံစားခွင့်များ

နှစ်တိုငွေပင်ငွေရင်း အသက်အာမခံထားသူတစ်ဦးအနေဖြင့် အောက်တွင်ဖော်ပြထားသည့် အကျိုးခံစားခွင့်များ ရနိုင်ခွင့်ရှိပါသည်။

  • နှစ်စေ့အကျိုးခံစားခွင့် (Maturity Benefit)
  • သေဆုံးမှုအကျိုးခံစားခွင့် (Death Benefit)
  • ထာ၀စဥ်မသန်စွမ်းအကျိုးခံစားခွင့် (Total Permanent Disability Benefit)

အကျိုးခံစားခွင့်မရရှိနိုင်သည့်ကိစ္စများ

အာမခံထားသူသည် အောက်ဖော်ပြပါအကြောင်းကိစ္စများကြောင့် သေဆုံးခဲ့လျှင် 'သေဆုံးမှုအကျိုး ခံစားခွင့် (Death Benefit)' အား ရခွင့်မရှိပါ။ ပေးသွင်းပြီး ပရီမီယံကိုသာပြန်ထုတ်ပေးမည်ဖြစ်ပါသည်။

  1. အာမခံစသည့်နေ့မှ တစ်နှစ်အတွင်း မိမိကိုယ်ကိုသတ်သေခြင်း။
  2. အာမခံဝယ်ယူစဉ်ကဖော်ပြရန်ထိန်ချန်ခဲ့သော ရှိရင်းစွဲရောဂါကြောင့် အာမခံစသည့်နေ့မှ တစ်နှစ်အတွင်း သေဆုံးခြင်း။

အာမခံထားသူတစ်ဦးသည် အောက်ဖော်ပြပါအကြောင်းကိစ္စများကြောင့် ထာ၀စဉ်လုံး၀မသန်စွမ်းဖြစ်ခဲ့လျှင် 'ထာ၀စဉ်လုံး၀မသန်စွမ်းဖြစ်မှုအကျိုးခံစားခွင့် (Permanent Total Disability Benefit)' အား ရခွင့်မရှိပါ။ ပေးသွင်းပြီး ပရီမီယံကိုသာပြန်ထုတ်ပေးမည်ဖြစ်ပါသည်။

  1. ကြိုတင်ရည်ရွယ်ချက်ဖြင့် မိမိကိုယ်ကို အနာတရဖြစ်အောင်လုပ်ခြင်းကြောင့်ဖြစ်သည့် ထာ၀စဉ်လုံး၀မသန်စွမ်းဖြစ်ခြင်း။
  2. မိမိကိုယ်ကိုသတ်သေခြင်းကြောင့်မသေဘဲ ထာ၀စဉ်လုံး၀မသန်စွမ်း ဖြစ်ခြင်း။
  3. မူးယစ်ဆေးဝါးသုံးစွဲခြင်းကြောင့်ဖြစ်သည့် ထာ၀စဉ်လုံး၀မသန်စွမ်းဖြစ်ခြင်း။
  4. ဘေးအန္တရာယ်ဖြစ်စေသောဆေးကိုမှီဝဲခြင်းကြောင့်ဖြစ်သည့် ထာ၀စဉ်လုံး၀မသန်စွမ်းဖြစ်ခြင်း။
  5. ကိုယ်တိုင်ရာဇ၀တ်မှုကျူးလွန်ခြင်းကြောင့်ဖြစ်သည့် ထာ၀စဉ်လုံး၀မသန်စွမ်းဖြစ်ခြင်း။
  6. အာမခံ၀ယ်ယူစဉ်က ဖော်ပြရန်ထိန်ချန်ခဲ့သောရှိရင်းစွဲရောဂါကြောင့် အာမခံစသည့်နေ့မှ တစ်နှစ်အတွင်း ထာ၀စဉ်လုံး၀မသန်စွမ်းဖြစ်ခြင်း။