မိတ်ဆက်
ပြင်းထန်သောရောဂါကုသမှုအာမခံဆိုသည်မှာ မြန်မာနိုင်ငံတွင် အဖြစ်များသော အသက်အန္တရာယ်နှင့် နီးစပ်သည့် ပြင်းထန်သောရောဂါကုသမှုနှင့် စပ်လျဉ်း၍ ဆေးရုံတက်ကုသခြင်း၊ ခွဲစိတ်ကုသခြင်းနှင့် သေဆုံးခြင်းများအတွက် အတိုင်းအတာတစ်ရပ်အထိ ငွေကြေးအထောက်အပံ့ပေးသော အာမခံအမျိုးအစား ဖြစ်ပါသည်။
| အသက်ကန့်သတ်ချက် | ပြင်းထန်သောရောဂါကုသမှုအာမခံကို အသက် ၆ နှစ် မှ ၆၀ နှစ် အထိ အသက်အုပ်စုခွဲခြား၍ ထားရှိနိုင်ပါသည်။ (အသက် ၆ နှစ်မှ ၁၈ နှစ်အထိအတွက် မိဘ/အုပ်ထိန်းသူမှ ထားရှိပေးနိုင်ပါသည်။) |
| အာမခံသက်တမ်း | ပရီမီယံပေးသွင်းသည့်နေ့မှစ၍ (၁)နှစ် ဖြစ်ပါသည်။ |
| ဝယ်ယူနိုင်သည့်ယူနစ် | ပြင်းထန်သောရောဂါကုသမှုအာမခံကို အနည်းဆုံး (၁) ယူနစ်မှ အများဆုံး (၁၀)ယူနစ်အထိ ဝယ်ယူနိုင်ပါသည်။ |
| ပရီမီယံပေးသွင်းမှုစနစ် | အစုအဖွဲ့လိုက် ကျန်းမာရေးအာမခံထားရှိမှု - လစဉ်ပေးသွင်းခြင်း၊ - ၃ လတစ်ကြိမ်ပေးသွင်းခြင်း၊ - ၆ လတစ်ကြိမ် ပေးသွင်းခြင်း၊ - တစ်နှစ်စာ တစ်လုံးတည်း ပေးသွင်းခြင်း။ |
| တစ်ဦးချင်း ကျန်းမာရေးအာမခံထားရှိမှု - ၆ လ တစ်ကြိမ် ပေးသွင်းခြင်း။ - တစ်နှစ်စာ တစ်လုံးတည်း ပေးသွင်းခြင်း။ |
ပြင်းထန်သောရောဂါကုသမှုအာမခံအကျိုးခံစားခွင့်များ
ပြင်းထန်သောရောဂါကုသမှုအာမခံ အတွက် ရရှိနိုင်သော အကျိုးခံစားခွင့်များမှာ အောက်ပါအတိုင်း ဖြစ်ပါသည်။
| စဉ် | အာမခံ အကာအကွယ် | လျော်ကြေးပေးရမည့် အကြောင်းအရင်း | အကျိုးခံစားခွင့်ငွေ |
|---|---|---|---|
| ၁ | ပြင်းထန်သောရောဂါ ကုသခြင်း ၁ ယူနစ် |
| ၁၀ သိန်းကျပ် |
| ၂ | သေဆုံးခြင်း ၁ယူနစ် | သေဆုံးသည့်အခါ (သို့သော် အထက်ဖော်ပြပါ ပြင်းထန်သော ရောဂါကြောင့် အကျိုးခံစားခွင့် ပေးချေ ထားပြီးသားအခြေအနေဖြစ်ပါက အာမခံ စာချုပ် သည် ပျောက်ပျက်သွားမည်ဖြစ်ပြီး၊ သေဆုံးမှု အာမခံအကျိုးခံစားခွင့်ကို ပေးချေမည်မဟုတ်ပါ) | ၁၀ သိန်းကျပ် |
ပရီမီယံနှုန်းထား
ပြင်းထန်သောရောဂါကုသမှုအာမခံ ပရီမီယံနှုန်းထားများမှာ အောက်ပါဇယားအတိုင်း ဖြစ်ပါသည်။
| အာမခံ အကာအကွယ် | အသက်အုပ်စု | ခြောက်လ တစ်ကြိမ်ပေး | တစ်လုံးတည်းပေး | |
| ၁။ | ပြင်းထန်သောရောဂါကုသမှုအာမခံ အကာအကွယ် ၁ ယူနစ် | ၆ ~ ၃၀ | ၄၅၀၀ | ၈၈၀၀ |
| ၃၁ ~ ၄၀ | ၇၈၀၀ | ၁၅၄၀၀ | ||
| ၄၁ ~ ၅၀ | ၁၂၃၀၀ | ၂၄၂၀၀ | ||
| ၅၁ ~ ၆ ၀ | ၁၉၀၀၀ | ၃၇၄၀၀ |
စည်းကမ်းချက်များ
- အာမခံထားရှိသူ ကိုယ်တိုင်က ပြင်းထန်သောရောဂါကုသမှု အာမခံအဆိုလွှာပါ ဖော်ပြချက်များတွင် ပေါ့ဆစွာဖော်ပြခြင်း၊ မှားယွင်းစွာ ဖော်ပြခြင်း၊ တမင် ရည်ရွယ်ချက်ဖြင့် လွဲမှားစွာဖော်ပြခြင်း၊ ထိန်ချန်ခြင်း၊ လိမ်လည်ခြင်း၊ စသည့် မမှန်မကန် ဖော်ပြခြင်းများရှိပါက ပေါ်လစီအကျိုးခံစားခွင့်များ ဆုံးရှုံးမည်။
- အာမခံပရီမီယံ ပေးသွင်းသည့်အချိန်မှစ၍ အာမခံသက်တမ်းစသည်။ အာမခံသက်တမ်း (၁) နှစ် ပြည့်မြောက်သည့်နေ့၏ ည (၁၂) နာရီတွင် သက်တမ်းကုန်ဆုံးမည်။
- အာမခံထားသူက ပေါ်လစီရပ်စဲခြင်းကြောင့် ပရီမီယံအမ်းငွေခံစားခွင့်မရှိပါ။ အာမခံလက်ခံသူက ပေါ်လစီရပ်စဲလိုလျှင် ကျန်ရှိကာလအတွက် ရက်တွက်နှုန်းဖြင့် ပရီမီယံပြန်အမ်းမည်။
- ပထမအကြိမ် ပရီမီယံပေးသွင်းပြီးနောက် ကျန်ကာလများအတွက် ပရီမီယံပေးသွင်းမှုစနစ်အရ ပရီမီယံကြေးပေးသွင်းရမည့် သတ်မှတ်နောက်ဆုံးနေ့ နောက်တစ်နေ့မှ ၁၅ ရက်အတွင်း ပေးသွင်းရန်၊ အကျိုးခံစားခွင့် ပေးချေရမည့်ကိစ္စ ဖြစ်ပွားပါက အကျိုးခံစားခွင့်ပေးမည့်ငွေထဲမှ စောင့်ဆိုင်းကာလအတွင်း မပေးရသေးသည့် ပရီမီယံကို ခုနှိမ်၍ ပေးလျော်မည်။ ပရီမီယံကြေး ပေးသွင်းခြင်းမရှိဘဲ ပရီမီယံကြေးပေးသွင်းရန် စောင့်ဆိုင်း ဓပေးသည့်ကာလကို ကျော်လွန်သွားပါက အာမခံစာချုပ်သည် စောင့်ဆိုင်းကာလ ပြည့်သည့်နေ့၏ နောက်တစ်နေ့ မှစပြီး အကျိုးသက်ရောက်မှု ပျက်ပြယ်သွားမည် ဖြစ်ပါသည်။ သက်တမ်းဆက် အာမခံစာချုပ်များအတွက်အာမခံသက်တမ်း ပြန်စသည့်ကြားကာလတွင် ပရီမီယံ ပေးသွင်းရန် စောင့်ဆိုင်းကာလ မရှိပါ။
- အကျိုးခံစားခွင့် တင်ပြတောင်းခံခြင်းအတွက် အာမခံလက်ခံသူမှ ထပ်မံတောင်းခံသော လိုအပ်သည့် စာရွက် စာတမ်းများကို အာမခံထားသူမှ (၃) လအတွင်း ပေးပို့နိုင်ခြင်းမရှိပါက အကျိုးခံစားခွင့်ဆုံးရှုံးမည်။
- အာမခံထားရှိပြီး (၁) လအတွင်း အာမခံအကျိုးခံစားခွင့် တောင်းခံသော ဖြစ်ရပ်များအတွက် တင်ပြသောရောဂါများကို အာမခံလက်ခံသည့် ကုမ္ပဏီ၏ ကျွမ်းကျင်သူများမှ ထပ်မံစိစစ်မည် ဖြစ်သည်။
- အောက်ဖော်ပြပါ ကိစ္စရပ်တစ်ခုခုနှင့် ပတ်သက်၍ တိုက်ရိုက်ဖြစ်စေ၊ သွယ်ဝိုက်၍ဖြစ်စေ ဖြစ်ပေါ်ခံစားရသော ပြင်းထန်သောရောဂါ(သို့) သေဆုံးခြင်းတို့အတွက် အကျိုးခံစားခွင့် အကျုံးဝင်မည် မဟုတ်ပါ။ (Exclusion)
- ဆေးကုသမှုခံယူနေခြင်း၊ ဆေးကုသရန်ဆရာဝန်၏ ထောက်ခံချက်ကို ရရှိထားခြင်း။ ရောဂါလက္ခဏာ ရှိပြီးသား ဖြစ်နေခြင်း၊
- စိတ်ပေါ့သွပ်ခြင်း(Psychosis)၊ စိတ်ရောဂါဝေဒနာများကြောင့်ဖြစ်ခြင်း။(Mental Disorders)
- ကျန်းမာရေးဆေးစစ်ရန်နှင့် အနားယူအားမွေးရန် ဆေးရုံတက်ခြင်း။
- အလှအပအတွက် ဖြစ်ခြင်း၊
- နားကြားကိရိယာတပ်ဆင်ရန်အတွက်ဖြစ်ခြင်း။
- ကိုယ်ခန္ဓာ ချို့ယွင်းခြင်း (Physical Defect) (သို့မဟုတ်) မသန်စွမ်းခြင်း။(Infirmity)
- မူးယစ်ဆေးဝါးသုံးစွဲခြင်း၊
- ကိုယ်တိုင်ရာဇဝတ်မှုကျူးလွန်ခြင်း။
- AIDS/HIV ဖြစ်ခြင်း။
- အကြမ်းဖက်ဖျက်စီးခြင်း၊ အဓိကရုဏ်း၊ စစ်နှင့်စစ်အသွင်ဖြစ်ပွားခြင်း၊ (စစ်ပြုခြင်းများ၊ စစ်ပွဲကဲ့သို့ တိုက်ခိုက်ခြင်း၊ စစ်တပ် (သို့မဟုတ်) အာဏာသိမ်းခြင်းနှင့် ဖော်ပြပါ အဖြစ်အပျက်တစ်ခုခု၏ တိုက်ရိုက်(သို့မဟုတ်) သွယ်ဝိုက်သော အကျိုးသက်ရောက်မှု တစ်ရပ်ရပ်ကြောင့် တိုက်ရိုက် သော်လည်းကောင်း၊ သွယ်ဝိုက်၍ သော်လည်းကောင်း၊ နီးကပ်စွာသော် လည်းကောင်း၊ ဝေးလံစွာသော်လည်းကောင်း ဖြစ်ပေါ်စေသော၊ အားပေးသော အခြေခံသော၊ ပေါ်ပေါက်သော မည်သည့်မတော်တဆ ဖြစ်ပွားခြင်း၊ ဆုံးရှုံးခြင်း၊ ပျက်စီးခြင်း)
- လိမ်လည်တောင်းခံသည့်ဖြစ်ရပ်များ။
- မိမိကိုယ်ကိုသတ်သေခြင်း (သို့မဟုတ်) မိမိကိုယ်ကို ဒဏ်ရာအနာတရဖြစ်အောင်ပြုလုပ်ခြင်း။
- အာမခံစသည့်နေ့ (သက်တမ်းဆက်ထားသည့် စာချုပ်ဖြစ်ပါက သက်တမ်းမဆက်မီ စာချုပ်၏ အာမခံစသည့်နေ့) မှစပြီး ရက်ပေါင်း ၉၀ အတွင်း ရောဂါအမည် သတ်မှတ်ခံရသည့် ကင်ဆာဖြစ်သောအလုံးအကျိတ် (Malignant Tumor) ကို ကုသခြင်း။
- Carcinoma in situ / Intraepithelial Neoplasm (အက်ပီသီလျှမ်အလွှာတွင်း အလုံးအကျိတ်/အရေပြား၊ အသက်ရှု၊ အစာနှင့် ဆီးလမ်းကြောင်းတို့၏ အခေါင်းအင်္ဂါလမ်းကြောင်းအားလုံးရှိ အက်ပီသီလျှမ်ဆဲလ်အလွှာတွင် အလုံးအကျိတ် ဖြစ်ပွားခြင်း။)